【電影】16026[4.29]《死侍》

真係越嚟越發現漫威幾厲害。以前細細個就只知道蝙蝠俠、蜘蛛人、狼人、超人、X-Men，以為美國佬由細到大就只知道睇米奇同屈指可數嘅幾個特異功能人，覺得美國佬嘅童年好可憐，唔似日本有高達、美少女戰士、蠟筆小新、比卡超。現在隨住財大氣粗嘅好萊塢將美國所有炒雞英雄收歸麾下，先發現美國佬嘅童年原嚟都係多姿多彩嘅。惗嚟有啲似Bandai，有佢將高達變成模型，絕對為日本嘅機器人文化向全世界傳播作出咗非常卓越嘅貢獻。

其實死侍係一個充滿bug嘅角色，或者講佢嘅存在本身就係一個bug，電影亦側面敘述咗呢個問題。由於死侍知道自己係度演緊戲，所已經常跳出電影同觀眾互動，但互動完又會回歸故事，繼續樂此不疲咁演戲。可以講，就好似滿嘴粗口黃段子一樣，死侍純粹為行樂而出鏡，完全冇任何使命感同責任感可言，仲超級話癆，100分鐘就係度聽佢吐槽自己幾可憐。但又正正因為佢經常齣戲，反而係一貫正能量滿滿，反覆將全人類掛係嘴邊嘅超級英雄們之間，顯示出眾人皆醉我獨醒嘅超然。

當我哋睇完死侍捅人串、剁人手、削人頭，驚喜咁發現，本片還係一個純愛故事——街頭小混混與紅燈區女王的生死羈絆！話說有純愛情節嘅炒雞英雄片一般都唔會太差，例如「超煩蜘蛛人」啦，既可以搞定男生，仲可以令陪佢哋入戲院嘅女伴唔好太無聊。

想嚟瑞恩•雷諾茲應該係本色演出，前妻貴為鼎鼎大名嘅斯嘉麗！有大口徑小鋼炮嘅同時應該亦要有強力嘴炮襯托先啱。電影中死侍亦不忘將「自己」亦吐槽一番，「你以為瑞恩•雷諾茲是靠演技才走到今天的？」轉個彎係電影入邊讚自己帥嘅演員，真係太賤了！

除咗死侍呢個超級大逗逼，叉仔的士佬同死侍嘅酒吧好基友都係同樣逗逼嘅存在，事實證明，一部好電影還係需要群體嘅力量！所以最後，死侍為咗救下佢心愛嘅巴西hot girl女友，終於請嚟「一貫正能量滿滿，反覆將全人類掛係嘴邊」嘅X-Men，算係照應咗團結就是力量呢個主題吧。

其實越係一部觀眾睇上去漫不經心嘅電影，可能越係一部拍得非常認真嘅電影，因為劇組要時刻將做作嘅演技拋開，先可以令觀眾充滿親切感咁自然融入。

有趣搞笑精彩，就是稍微有點邋遢，值得推薦，不收藏。