【電影】12059[12.2]《美國隊長》

　　其實我以前只知道呢個星星男叫美國隊長，至於佢點解叫美國隊長，喺識飛定點我完全唔知，睇完部戲先知佢原嚟咁廢柴，電鍍沙井蓋喺佢最厲害嘅武器，常規攻擊手段除佐花拳繡腿就只有可憐嘅一支手槍，可見美帝二戰時資源實在不充裕，小氣到連步槍都唔肯配支。

　　不得不說電影非常忠於原著，誕生於二戰之初嘅星星男主打肯定就喺愛國主義，順帶做埋徵兵廣告號召人們打軸心國嘛，所以本片亦拍得相當主旋律，德國佬基本上都喺傻大個，用珍貴嘅水晶魔方充能嘅武器兩下就俾一班赤手空拳嘅菜鳥搶曬，最終Boss紅骷髏亦豪無驚喜，屎到爆。驚奇漫畫創造嘅呢個英雄實在喺我見過最「平民化」嘅英雄，反正英雄屎，反派亦屎，電影嘅主線條就喺屎佬斗屎佬。

　　因為哥今年冇睇《復仇者聯盟》，只喺很不明就裡咁睇佐本片最後嘅彩蛋，話說電影入邊有好多映射聯盟基友嘅橋段，我當然就睇唔出，只喺小小好奇一下聯盟入邊還有冇比隊長仲廢柴嘅英雄呢？

　　總之本片純粹娛樂，但即使比起傳統無厘頭嘅超級英雄片，電影仍然差強人意，說不出太大問題，卻亦全無亮點，平淡如流水，唯有中意睇肌肉佬嘅御姐們應該幾受落吧。

　　虛耗時間嘅平庸作品，唔推薦，唔收藏。