港式喜劇的魅力

今日同事談論港式喜劇嘅時候，都系一致話唔好笑
我非常之唔認同囖
我諗緊佢地系咪停咗喺晶式喜劇同近年又重出江湖嘅黃百鳴電影果層
以上兩類炒冷飯太嚴重，裡面嘅爛gag笑料都十年前嘅，或者出現得太多次都依然照搬，唔用腦嘅照搬囖
小小耳目一新嘅感覺都無，著實令人失望
剩低嘅祗有過氣、低能同浪費咗一群好演員
或者《72家租客》《 喜上加喜》等幾部賀年喜劇，雖然笑點唔系太高，不過都好歡樂，睇得下
而近年，《低俗喜劇》《人間喜劇》《春嬌與志明》1、2等片喺港式喜劇都開闢咗條新路亦相當出色囖
其實，價值觀取向，同文化差異可能就令大家睇到嘅point都唔同，不過本人都系十分鐘情港產片
畢竟電影都系原汁原味最好睇，所以有時候睇到電影裡頭用到嘅好通俗好生活化嘅笑點會令人好親切···
特別喺我睇完《買兇拍人》，更大愛彭浩翔~