《關雲長》香港部份評論

搜集整理：公元1874

《關雲長》上週在香港上映，對於這部電影在香港的口碑，我很好奇，因為香港人對關二哥的感情，跟我們大概是不一樣的，畢竟他們從小無論是警察還是古惑仔，都會拜關公，二哥在他們心目裡的地位，肯定和我們不太一樣。

大家也都知道麥莊對《關雲長》的故事進行了一些「改動」，這些改動好不好呢？有人說：見仁見智。那好，我們就來看看香港討論區里，香港的觀眾對於麥莊鏡頭下的關二哥，做何感想。

至於這些人會不會被片方當作「網路黑水」，我個人表示歡迎。

目前本片在香港YAHOO討論區有上百人評分，YAHOO和豆瓣類似，都是五星制。目前《關雲長》是2.5星=5分，基本和豆瓣保持一致。

來看具體的評論。為保證原汁原味，繁體和粵語都保留，對廣東話不太明白的同學就看個樂呵吧，熟悉粵語的，不妨參考一下之前杜汶澤口述《3D肉X團》事後感的情形，某些段落跟著一起讀，會非常有笑果。


1
吳導的赤壁好看得多了

評論者：sukiyakiyau45

省了場面，也省了不少錢，代電影老闆讚。

大家也可以省了買票入場。

大家還是回家打光榮的三國誌去吧，場景人物好得多。




2
一套看後令人非常憤怒的電影---「關雲長」
評論者：zoengsan

改歷史，我冇問題，理得佢點改，最緊要係好唔好睇！

問題係呢套關雲長真係一套騙觀眾錢的垃圾！美其名什麼現代觀點新角度去演譯歷史，其實論調幼稚、膚淺、陳舊，最新的觀點就係曹操愛上關公，搞一輪基情，擺明譁眾取寵，又想可以好似李安咁呃到鬼佬！最衰係搞基又搞得鬼鬼鼠鼠，兩個導演仲要唔敢公開承認！簡直不知所謂！

本來曹操係一個梟雄，因為敬佩關雲長忠肝義膽，才放他一馬，點知麥、莊兩條粉腸竟然改到曹操因為愛上關雲長，所以放佢走，令曹操由一個梟雄變成爛基，關雲長本來以義服人，點知變成因為有點「姿色」所以執番條命仔！撤底把關公的形象矮化！

天啊！呢d唔係叫顛覆，呢d叫癲能左！仲有，成套戲d對白古靈精怪，不古不今，連一開場的佛經都寫錯，咁o既文學修養都敢拍古裝大片，唔係投資o個個傻左，就係有人以為觀眾個個都係文盲！

仲有仲有，唔該愛護動物協會出下聲，佢地咁樣虐待拍戲d馬，真係唔人道！

p.s.三國玩搞基，關雲長都唔係第一部，之前仲有套超時空要愛，相比之下，超時空要愛好睇得多！



3
史上最雷人的武聖

評論者：moknoiho

就算係《江湖告急》同《超時空要愛》裡面既關二哥都好過呢部




4
不知所謂

評論者：wongywlouc

套戲叫關雲長...關雲長以長鬚為名,套戲可以有一段關羽割鬚,不知所謂!!!

過五關斬六將竟然係佢自己挑人機...同唔知名敵將打都可以處下風...原來關羽係咁費...哂錢哂時間...勁後悔!!!


5
劇本及導演完全唔得

評論者：paulchiwai

唯有曹操做的幾好可以講下

改哂歷史之餘仲要拍到關羽勁唔掂

首先個劇本係寫過五關砍六將為主,歷史改哂.連備兩個夫人都無護送,竟然去護個妾,個感情線唔知想點.

堂堂萬人敵關羽,杯酒砍華雄,砍文醜,砍顏良,完全無難度,過第一關打個無名小卒,都打勁耐,打到關羽把青龍刀都斷埋...我個時真係睇到o哂嘴,仲要差點比個小卒殺埋,真係o哂.

之後第二關仲要中左毒針,打到暈埋仲要個女人救拒..又o哂,之後仲要自己去過關.

最好笑係關羽怕比曹軍認出,竟然剪短左自己的鬚,關羽被稱美鬚公,點會自己剪自己o的鬚.

個皇帝仲好笑,派人去殺關羽,拒應該想曹操死就真.點會想殺關羽.

全套戲改歷史唔緊要,但關羽完全做唔到個霸氣,劇情唔緊湊,最後個結局唔拖唔水(根本唔似結局).

唯一可看的係曹操做的還可以,拍出曹操的謀略心計.


6
點解會敢垃圾

評論者：sellwhatyouwant

俾人落藥勾義嫂、五關六將仲難打過顏良同文醜、獻帝殺關羽、關公剃鬚、青龍偃月刀一打就斷，但走佬都有時間去整番把刀、曹操唔夠奸，敢邊個係亂世奸雄、關羽要飲醉先面紅、赤兔馬去左邊.....

SD高達個故仔仲好過依套野！！



7
佢應該抄考慾狼的三國驕皇

評論者：youarenutss

曹操識先天乾坤功
關雲長習如來神掌
趙子龍學渾天寶鑑
劉玄德練九死邪功
咁就勁喇



8
夠創意！有新觀點！

評論者：bettybai9890

優：二哥鉤義嫂！

劣：如果可以拍到3D肉X團咁有美感咁誘人，相信更精彩



9
顛覆歷史，顛覆傳統，也顛覆了票房的關雲長

評論者：windowgaga2000

夠曬衝激，可能80, 90後鍾意

愛情線能加強的話仲夠顛覆

當年《金雞》預告片，曾志偉都話：詹姆士邦都要叫雞架
家陣一樣道理，關二哥都要溝女架嘛
就係爭少少就perfect喇



10
垃圾

評論者：hkgbro369

今日下午真金白銀買左票,睇左
呢套戲.如果純睇武打場面,我會比好高分.的確做的唔錯
但如果講劇情發展,完全係垃圾.

我一直有個唸法
其他國家拍中國曆史/名著既戲,劇情上有偏差,我接受到
但如果由中國人執導,我認為唔可以歪曲內容!除非劇名/片頭有講明

以關雲長為例,如果劇名改做《野史關雲長》或者片頭話故事虛構,我覺得會比較能接受
但係事實上冇.如果係咁,呢套戲對正史三國誌,野史三國演義,以致歷史人物都係一種侮辱
以下將會有劇透,唔想知既人可以睇到呢度唔睇:

首先,關雲長有美髯公既稱號,點解成套戲,除左臨尾一幕佢d鬚係長之外,完全稱不上「美髯公」！
一開始,關公都叫有小小鬚,但只有一隻手掌長.我算.1/3劇情之外,關雲長割左d鬚,係割左d鬚!吊那星我唔知戲名我真係睇唔出個位係關二哥.仲有,關二哥一向驕傲自大,點解佢會對住曹軍既士兵自稱小弟?我無言了

其次,由關公開頭斬顏良文醜開始,我就知導演係跟演義拍.ok我接受.但再睇多陣,我就真係搖哂頭講粗口啦.無論係正史或小說,關公幾時護送過劉備未過門既小妾?點解關公會食春藥?許諸變左廚師煮飯.中間仲onX,河北名將顏良文醜比關公一刀斬殺.過五關斬六將其中一條蛋散,可以斬到關二哥刀都斷埋,打足10分鐘.我寧願大導將武打場面分比顏良文醜,咁我條氣會順d！

另外,我想問漢獻帝發生咩事?曹操唔下跪,關公直斥其非,獻帝仲可以笑笑口話唔緊要唔緊要,同曹操互換一個友善而信任既眼神！

咁點解獻帝之前要密旨殺曹操?後來獻帝同關公講話將來力量強大,一定會奪番大權.ok我當你獻帝忍辱負重,但臨尾,獻帝竟然派人埋伏,放箭射殺關二哥.

大佬發生咩事？？？？

獻帝殺關二哥阿！！

我相信有小小歷史常識,以致睇過演義既人都接受唔到！

獻帝殺關公既理由,係關公走左天下會大亂.咁唔通你殺左關公,劉備唔會發癲?天下就會平定?而且獻帝既然想曹操死,難得關公同劉備忠於漢室,你殺左關公,咪盞逼劉備造反.而且劉備小左個大將,要殺曹操就更難.搞咩阿?

套戲其實去到後半段已經失控,有個場景,無論係將軍,定係建築物,都係日本風黎.

我以為關公北上去左日本.

有一幕,關二哥拎住枝弩槍殺人,好似渣住枝槍咁,d氣氛好似睇緊rambo而唔係關二哥。

我真係想問導演一句,你搞咩野?

仲有幾個位我睇個陣好火.宜家已經嬲到唔記得哂.我好耐冇試過睇完一套戲咁嬲.點解d劇情會垃圾成咁?