香港喜劇你可以有d新野嗎？

     今天如果不是有朋友約去睇，我真系唔會浪費錢去睇呢部好一般的香港喜劇。雖然相對於舊年的《家有喜事2009》好好多，比如話增加了笑點啦，d明星多左啦，女性角色普遍好靚啦，但系我仍然覺得呢部片幾近爛片。
    首先要鬧下攝影，點解d鏡頭咁唔穩定噶？搖下搖下，特別系開頭鄭中基打鬥那場，搖到我頭都暈，攝影師你系米帕金森發作啊？睇下人地《十月圍城》啦，d主角打到噼里啪啦，飛來飛去，我都未暈，睇部喜劇搞到我暈坨坨，好似搭船咁。
    之後當然要話下d劇情，其實成部戲噶笑點主要都系將現代噶野拿去古代，唉，真系啊，擺明學人地《武林外傳》啦。但系呢，淨系識學，都唔識學以致用，一句金句都無，人地d對白啊才是出彩的地方啊，簡單咁將現代的東西啊、周杰倫噶歌詞啊、Dior名牌拉落去，好似滷水拼盤咁，仲要系唔好食噶滷水拼盤，真系失望。
    奇怪噶系，部片太中意用大場面啦，搞到本來好多人變得好少人，好似出唔得大場面咁。你無返咁上下人就唔該唔好用咁大噶景啦，好肉酸啊，咁大噶皇宮都無人噶。
    雖然系比舊年有進步，但系黃百鳴導演，你可唔可以拍d新野啊？難道現在的香港喜劇都這是這樣的質素。我覺得當年張栢芝的《河東獅吼》仲出彩過現在的什麼賀年大製作啊，唉，懷念那個睇香港喜劇識笑噶年代……
       舉報