American Idiots

如果覺得「衰仔樂園」好Q而唔繫好核突，就絕對唔可以錯過「Team America：World Police」。呢出衰野同四大惡人蛋散、碌葛、牟李、粉腸比賤、比下流、比肉酸絕對有過之而無不及！！總之我就笑到碌地~~~

首先puppet動畫就好吸引，入面無論系公仔、公仔0既表情同動作，定系場景、道具，都做的好好，睇到眼甘甘啊！而無論繫個古仔或系台詞，都賤得好鬼死人頭勁，踩到美國政客、演員協會兼主席、中意用政治做SHOW0既藝人、「珍珠港」導演編劇主演……一棟都無！

有好多經典情節同對白，但實在好衰好賤好可惡，難以付諸筆墨！所謂「萬惡淫為首」，個場男女主角puppet「肉搏」戲，核突到嘔白泡，好笑到噴飯。而個首有depressed version同激昂remix version0既主題曲「America，F*ck, Yeah」，亦是一絕。不得不提為金正日（戲中主角之一）作的歌「I'm a bit ronely」，笑到飈汗~~~不過最DUM心都要算個段討論「dick,pussie & asshole」的長篇演說，真真賤格啊，但賤格得來，絕對道出真理！

其實系某種程度上，表面正人君子道德聖人、暗地裡陰濕小人小肚雞腸，比起坦蕩蕩地賤格，坦蕩蕩地下流，更加令人厭惡。系呢個獨偉人衰落，泛偶像歌舞昇平，肉麻當有趣的時代，所謂核突，不過系講出人人都想過但會公開譴責0既野，此所謂真正的真誠啊。